बर्दिया
कोरोनाले बिश्वब्यापी महामारीको रुप लिएसंगै बिगत चैत्र ११ गतेदेखि भएको लकडाउनका कारण जनताहरु भोकभोकै बस्न नपरोस भन्ने उद्देश्यले बारबर्दिया नगरपालिकाको वाड नं ८ को स्थानिय सरकारले आज चैत्र ३० गते ५८ घर परिवारलाइ राहत बितरण गरेको छ। उक्त बारबर्दिया नगरपालिका वाड नं ८ का वाड अध्यक्ष हरि प्रसाद भुषाललको सक्रियतामा आफ्नै वाडमा आर्थिक संकलन गरि राहत बितरण गरियको हो भने केही रकम नगरपालिकाले पनि सहयोग गरेकोअध्यक्षले बताए।
यस बारबर्दिया नगरपालिका ले ८ नं वडामा यसभन्दा अघि चैत्र२३ गते पनि ४६ घरपरिवारलाइ करिब १ लाख बराबरको अत्यावश्यक खाद्यान्न राहत बितरण गरोसकेको थियो। यस वडा अन्तर्गत रहेका श्रमजीवी गरिब परिवारका अन्य घरपरिवारलाई पनि खानको समस्या पर्न थालेपछी वाड अध्यक्ष भुषालले आफ्नै पहलमा वडा भित्रकै सम्पन्न घरपरिवार बाट आर्थिक सन्कलन गरि पुनः बिपन्न घरपरिवारलाई राहत बाडेका हुन।
उक्त राहत बाड्नेकार्य राम्रो र सराहनिय भएपनी केही केही हुनेखानेले पनि उक्त राहत पाएको र घरमा चुलो नबलेका कोहि कोहि छुटेको भन्दै केही ब्यक्ति गुनासो गर्दै थिए।सोही मध्यका एकजना सैलेन्द्र नेपाली ले आफू गाडिमा सहचालक काम गरेर ८,९ जनाको परिवारलाइ हेर्न पर्ने तर हाल लकडाउनका कारण काम गर्न नपाएर घरै बस्दा घर खान चामल नहुदापनी आफुलाइ छुटाएको गुनासो गरे।