काठमाडौं –
आज बैशाख ५ गते शुक्रबार एकैदिन नेपालको उदयपुर र चितवन जिल्लामा गरि १४ जना कोरोना पोजेटिभ बिरामी फेलापरेका छन। जसमध्ये उदयपुर जिल्लामा मात्र १२ जना र चितवन जिल्लामा २ जना गरि हालसम्म नेपालमा पनि कोरोना पोजेटिभ बिरामीको संख्या ३० पुगेको छ।
उदयपुर जिलामा भेटिएका १२ जना मध्ये २० बर्षिय १ जना, २२बर्षिय १ जना, २५ बर्षिय १ जना, २६ बर्षिय १ जना, २८ बर्षिय ४ जना, २९ बर्षिय २ जना, ३४ बर्षिय १ जना, ४० बर्षिय १ जना र चितवन जिल्लामा भेटिएका २ जना मध्ये २७ बर्षिय १ जना, ६३ बर्षिय १ जना रहेको स्वास्थ्य तथा जनसंख्या मन्त्रालयले जानकारी दिएको छ।
आज एकैदिन १४ जना कोरोना भाइरस कोभिड १९ पोजेटिभ बिरामी भेटिएपछी नेपालमा पनि अब कोरोना संक्रमणले महामारीको रुप लिनसक्ने भन्दै जनतालाइ अझ सतर्कता अपनाउन सम्बन्धित निकायले आग्रह गर्दै अझ लकडाउन बढाउन पर्ने अवस्था देखिएको समेत बताएका छन।
