काठमाडौं
नेपाली कांग्रेसको हिजो आइतबार बसेको केन्द्रीय कार्यसमिति बैठकले प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुष ५ गते गरेको संसद विघटनको विरोधमा आन्दोलनको थप कार्यक्रम घोषणा गरेको छ ।
कांग्रेसको उक्त केन्द्रीय कार्यसमिति बैठकले पुष २५ गते ३ सय ३० प्रदेश सभा निर्वाचन क्षेत्रमा विरोध प्रदर्शन गर्ने, माघ ३ गते ७ सय ५३ स्थानीय तहमा विरोध प्रदर्शन गर्ने, माघ ८ मा स्थानीय तहको ६ हजार ७ सय ४३ वटै वडामा विरोध प्रदर्शन तथा सभाको आयोजना गर्ने निर्णय गरेको पार्टी प्रवक्ता विश्वप्रकाश शर्माले बताउनुभयो ।
त्यस्तै पार्टीको जिल्ला समितिले आफ्नो अनुकूल अनुसार र भ्रातृ संगठनहरूले आ–आफ्नो आवश्यकता र अनुकूल अनुसार जिल्ला समितिसँग समन्वय गरेर बिरोधका कार्यक्रम गर्ने पनि बैठकले निर्णय गरेको प्रबक्ता शर्माले भन्नुभयो।