Trending

सनकको भरमा संसद भंग गर्ने अधिकार छैन,जानेसम्मको भाषामा लेखिएको छ- रामनारायण बिडारी

काठमाडौँ-
बिहीबारको राष्ट्रिय सभाको बैठकमा राष्ट्रिय सभा सदस्य रामनारायण बिडारीले संविधान निर्माणका क्रममा नै प्रधानमन्त्रीलाई सनक चढेमा संसद् विघटन गर्ने अधिकार नदिने लेखिएको लेखिएको बताउनुभयो । बिडारीले भन्नुभयो संविधानको मस्यौदा लेख्न समितिको १५ सदस्य समितिमा र कृष्णप्रसाद सिटौलाको ५ जनाको विज्ञ टोलीमा म पनि सदस्य थिए । ती बैठकमा तत्कालीन एमालेका नेता केपी शर्मा ओली बारम्बार आएर छलफलमा सहभागी हुने गर्नुहुन्थ्यो। बिडारीले स्मरण गर्दै भन्नुभयो- ‘त्यहाँ भएका कुराको टेप रिकर्डलाई यो सदनमा बजाइयोस् अनि हामी कति नालायक रहेछौं भन्ने स्पष्ट हुन्छ । लामो समय लगाएर धारा ७६ र १०० लाई देश र विदेशका विज्ञसँग परामर्श गरेर प्रतिनिधिसभालाई प्रधानमन्त्रीको सनकको भरमा भंग गर्ने अधिकार छैन भनेर जानेसम्मको भाषामा लेखिएको छ ।

त्यस्तै प्रधानमन्त्रीले कसरी प्रतिनिधिसभा विघटन गर्न सक्दैन भनेर नै धारा ७६ का उपधाराहरू राखिएको तर, कहिले पार्टी फुट्ला र मन्त्री बनौंला भनेर बसेकाहरूले संविधानको अनावश्यक गलत व्याख्या गरिरहेको उहाँको भनाइ थियो। अझ बिडारिले संसद् विघटन गरेर प्रधानमन्त्री र उनीसँग रहेका नेताहरूले राष्ट्रपति विद्यादेवी भण्डारीलाई समेत संसारमा लज्जित बनाउने काम गरेको भन्नुभयो । बिडारी राष्ट्रपतिद्वारा मनोनित सांसद् हुन् भने प्रधानमन्त्री ओलीको सिफारिसमा राष्ट्रपति भण्डारीले पुस ५ गते प्रतिनिधिसभा विघटन गरेपछि उक्त विषय सर्वोच्च अदालतमा सुनुवाइ चलिरहेको छ भने संघीय संसद्को राष्ट्रिय सभामा बहस भइरहेको छ ।

आफ्ना भनाइ राख्ने क्रममै बिडारिले प्रधानमन्त्रीविरुद्ध अविश्वासको प्रस्ताव ल्याउने अधिकार संविधानले दिएको तर संसद विघटन गर्ने अधिकार प्रधानमन्त्रीलाई नदिएको बताए । संसद्ले तीन वर्षसम्म बजेट र नीति तथा कार्यक्रम सहजै पारित गरिदिएको कुरा ओलीले बुझ्नुपर्ने उनको भनाइ थियो । नयाँ निर्वाचनका बारेमा बिडारीले भने,-ताजा जनादेश भनिएको छ । के को लागि जनादेश ? निर्वाचनको घोषणा प्रधानमन्त्रीको हुकुमबाट हुने कि संविधानबाट हुने ? हुकुमी शासन हो ? ताजा जनादेशबाट आउने प्रधानमन्त्रीले फेरि ३ महिनामा संसद विघटन गरिदिए के हुने ?’

Leave a Reply

Your email address will not be published. Required fields are marked *

Back to top button
Close
Close