बिकास बिक्रम के.सी./ बाँके-
हिजो २३ फाल्गुन सर्वोच्च अदालतको ‘नेपाल कम्युनिष्ट पार्टी’ नामक दल ऋषिराम कट्टेलले नेतृत्व गरेको पार्टीले नै आधिकारिकता भएको फैसलापछि तत्कालीन नेकपा (एमाले) र नेकपा (माओवादी केन्द्र)पुरानै अवस्थामा फर्केका छन् । ती दलबीच २०७५ जेष्ठ ०३ गते एकता भए पनि निर्वाचन आयोगमा दल दर्ता भएको हिसाबले कानूनसङ्गत नभएको कानुन बिदहरुले बताएका छन ।
अदालतको आदेशले दलहरू पुरानै अवस्थामा पुगेपछि बैजनाथ गाउँपाकिकाका अनेरास्ववियु बाँकेका कार्यकर्ताले टोल टोलमा दिप प्रज्वलन गरि खुसियाली मनाएका छन। सर्वोच्च अदालतको आदेशले आइतबार सर्वोच्चका न्यायाधीशद्वय बमकुमार श्रेष्ठ र कुमार रेग्मीको इजलासले नेपाल कम्युनिष्ट पार्टी (नेकपा) ले आफ्नो दलसँग नाम जुधाएको जनाउँदै नेपाल कम्युनिष्ट पार्टीका अध्यक्ष ऋषिराम कट्टेलले दायर गरेको रिट निवेदनमाथिको सुनुवाइपछिको फैसलामा स्व: दल कट्टेलकै भएको फैसला गरेको छ ।
एकता भएर बनेको नेपाल कम्युनिष्ट पार्टी (नेकपा) राजनीतिक दलसम्बन्धी ऐन विपरीत देखिँदा उत्प्रेषणको आदेशले बदर गर्ने फैसला अदालतले गरेको छ । त्यसपछि पुर्ब एमालेका कार्यकर्ताले बाँके बैजनाथ गाउँपालिका लगायत देशैभर खुशियाली मनाएका छन ।
