बर्दिया-
आज एक सुचना जारी गर्दै जिल्ला प्रशासन कार्यालय गुलरिया बर्दियाले कोभिड संक्रमणको जोखिम रोकथाम , उपचार र नियन्त्रणको नाममा आफुखुसी सहयोग संकलन गर्ने कार्य प्रचलित कानुन बिपरित हुने भएकोले जो कसैलाई तेस्ता सहयोग रकम संकलन नगर्न नगराउन भनेको छ।
उक्त आज जारी सुचनामा प्रमुख जिल्ला अधिकारी सन्त बहादुर सुनार आफैले हस्ताक्षर गरि कोभिड- १९ संक्राण उपचारका नाममा जथाभावी रकम संकलन तथा विभिन्न खातामा जम्मा गर्ने कार्यलाई निरुत्साहित गर्न जरुरी देखिएकोले सरोकार वाला सबैको जानकारीको लागि यो सुचना निकालिएको जनाउनु भएको छ। साथै प्रमुख जिल्ला अधिकारी सुनारले कसैलाई स्वेच्छिक रुपमा संक्रमणको जोखिम न्यूनीकरणमा सहयोग गर्न मन भए राष्ट्रिय बाणिज्य बैंक सिंहदरबार परिसरमा रहेको कोरोना भाइरस संक्रमण रोकथाम, नियन्त्रण तथा उपचार कोषमा जम्मा गर्न समेत अनुरोध गर्नुभएको छ।